റോം നിന്നു കത്തുമ്പോള്‍ ബിലഹരി രാഗത്തില്‍ ഒരു കീര്‍ത്തനം അങ്ങട്ട് കാച്ചീന്നു വച്ചാല്‍ അവന്‍ നീറോ.
ടി നീറോ സ്വര്‍ഗത്തില്‍ ചെന്ന്‍ ദേവേന്ദ്രനെ നിഷ്കാസിതനാക്കി ഭരണം തുടങ്ങി. ഭരണം കത്തിക്കയറിയപ്പോൾ ആധി മൂത്ത ദേവകള്‍ ആസ് യൂഷ്വല്‍ വൈകുണ്ഠത്തിനു വഞ്ചി കയറി.
വഞ്ചി തിരുനക്കരെ എത്തിയപ്പോള്‍, അവതാരങ്ങളുടെ ക്വാട്ട തീര്‍ന്നുപോയെന്ന്‍ പറഞ്ഞു കൈമലര്‍ത്തിയ കമലാ കാന്തന്‍, അവരെ തുഗ്ലക്ക്‌ സുൽത്താന്റെ അടുത്തേക്ക് പറഞ്ഞയച്ചു.
സ്വര്‍ഗത്തില്‍ വങ്കത്തരത്തിനു വഴിയില്ലാതെ ഉഴറുകയായിരുന്ന സുല്ത്താന്, മോഹിനീരൂപം പൂണ്ടു ചെന്ന്‍ രായ്ക്ക് രാമാനം നീറോയെ വശീകരിച്ചുകളഞ്ഞു!!
നീറോയ്ക്ക് ഭരണവും സുല്ത്താന് ചാരിത്ര്യവും പോയി. അവര്‍ക്കൊരു കുഞ്ഞുണ്ടായത് മിച്ചം. ദോഷം പറയരുതല്ലോ, മാതാപിതാക്കളുടെ സര്‍വ ഗുണങ്ങളും ഒത്തിണങ്ങിയ ആണ്‍കുഞ്ഞ്.
അവര്‍ അതിനെ ഒരു തലപ്പാവും ധരിപ്പിച്ചു ഭൂമിയിലേക്ക് പറഞ്ഞുവിട്ടു. അവന്‍ വളര്‍ന്ന്‍ ഭാരതത്തിന്‍റെ പ്രധാന സചിവനായി. മകന്‍റെ ഭരണ നൈപുണ്യം കണ്ടു മനം കുളിര്‍ത്ത മാതാപിതാക്കള്‍ സ്വര്‍ഗത്തിലിരുന്നു ഹര്‍ഷ ബാഷ്പം തൂകി പരമ കാരുണികനെ സ്തുതിച്ചു..
"ന്‍റെ റബ്ബേ..ജ്ജ് സലാമത്താക്കീട്ട് വിത്ത്‌ ഗുണം പത്ത്‌ ഗുണം!!!!"
Subscribe to:
Post Comments (Atom)
1 comment:
സ്വര്‍ഗത്തില്‍ വങ്കത്തരത്തിനു വഴിയില്ലാതെ ഉഴറുകയായിരുന്ന സുല്ത്താന്, മോഹിനീരൂപം പൂണ്ടു ചെന്ന്‍ രായ്ക്ക് രാമാനം നീറോയെ വശീകരിച്ചുകളഞ്ഞു!!
Post a Comment