Monday, October 13, 2008

സെന്‍സെക്സും വിശ്വാസോം കാലും

ബുഷ് സായിപ്പിന്റെ നാട്ടില്‍ ദേശസാല്കരണോ? ന്റെ ദേവ്യേ, സുഗ്രിക്കങ്ങട്ട് വിശ്വസിക്കാനേ സാധിക്കണില്ല്യ!!! ലോകത്തുള്ള സകലമാന കമ്പോളങ്ങളുടെം മുന്നില്‍ ചെന്ന് നിന്ന്, പഴേ മലയാളം സിനിമേലെ വില്ലന്മാരെപ്പൊലെ, തുറക്കെടീ അഴിക്കെടീന്നൊക്കെ വിളിച്ചു കൂവി നടന്നപ്പൊ സ്വന്തം മുണ്ടഴിയാതെ നോക്കണംന്നുള്ള കാര്യം ഈ വിവരദോഷ്യോള് മറന്നൂന്നു തോന്നണു.

ഹൊ, നമ്മടെ നാട്ടില്‍ എന്താര്‍ന്നു പുകില്!! നാട്ട്കാര്ടെ കാശോണ്ട് ണ്ടാക്കിയ സര്‍വമാന സംഗത്യോളും നക്കാപ്പിച്ച വെലക്ക് കണ്ടോന്‌ വിറ്റു തൊലച്ചു. ന്നിട്ട്, ഭരണപരല്ലാത്ത എല്ലാ കാര്യങ്ങളില്‍ന്നും സര്‍കാര് വിട്ട് നിക്കണംന്നു വേദാന്തം പറഞ്ഞു. ഓഹരി വില്‍ക്കല്, മൊത്തമായി വില്‍ക്കല്...ശിവ ശിവ..ന്തായിരുന്നു കോലാഹലം!!
ന്നിട്ടിപ്പൊ ന്തായീ? ഇതൊക്കെ പറഞ്ഞു പഠിപ്പിച്ച സായിപ്പിന്റെ നാട്ടില് കണ്ടോന്മാര്‌ സര്‍വതും നശിപ്പിക്കുംന്നായപ്പൊ, സര്‍ക്കാരന്നെ അവറ്റോള്‍ടെ ഓഹരി വാങ്ങണു!!!
ഇവടത്തെ മന്ത്രി പുംഗവന്മാര് ഉളുപ്പില്ലാണ്ടെ വിളിച്ചു കൂവണു, ഇവടെ ആരും പേടിക്കണ്ടാ, പൊതുമേഖല ശക്താണൂന്ന്‍!!! പോരേ പൂരം!!! പണ്ട്, ആണിനും പെണ്ണിനും പോന്നൊരുത്തി, ഇക്കാണായ ബാങ്ക്കളൊക്കെ സര്‍ക്കാരിന്റെതാക്കി വെച്ചതോണ്ട് ഇപ്പൊ കഞ്ഞി കുടിച്ച് കെടക്കണു. ഇല്ലേല്‍ കാണായിരുന്നു.....

കച്ചോടക്കാര് കച്ചോടം നടത്ത്ണത് കാശ്ണ്ടാക്കാനാണ്‌, നാട്ടാരെ നന്നാക്കാനല്ലാന്ന്‍ ഏത് സുഗ്രിക്കും അറിയണ കാര്യാണ്‌. നാടിന്റെ കാര്യം നോക്കണത് സര്‍ക്കാരിന്റെ പണിയാണ്‌. അതിന്‌ വേണ്ടീട്ടാണ്‌ "ക്ഷേമ രാഷ്ട്രം" ന്നുള്ള ഒരു ചിന്താഗതി തന്നെ ണ്ടാക്കീട്ടുള്ളത്. ക്ഷേമംന്ന് പറഞ്ഞാ എല്ലാര്ടേം ക്ഷേമം...സുഗ്രീടേം കോരന്റേം ഗിരീശന്റേം എല്ലാം...അല്ലാതെ അമ്പാനിമാര്ടേം ബച്ചന്മാര്ടേം മാത്രല്ല..
ഇതൊന്നും പക്ഷേ നമ്മടെ സാമ്പത്തിക വിദഗ്ധന്മാര്ക്ക് മാത്രം അറീല്ല്യാര്‍ന്നു...അവര്ടെ തലേല് നെറയെ വല്ല്യ വല്ല്യ കാര്യങ്ങളല്ലേ..ഗുല്‍ഗുലാബി, ജുജൂബി, മ്പോജോ..തുടങ്ങിയ ഭയങ്കര കാര്യങ്ങള്. അതോണ്ട് ചെറിയ കാര്യങ്ങളൊന്നും അവറ്റോള്‍ ആലോചിച്ചില്ല!!!
എന്തൊരു മഹാന്മാര്‍!

പക്ഷേ കാര്യങ്ങള്‍ ഇങ്ങന്യൊക്കെ ആണേലും സുഗ്രിക്ക് പ്രതീക്ഷേണ്ട്. ന്താന്നല്ലേ? അതൊക്കേണ്ട് :)
ഒരു ചെക്കന്റെ രണ്ട് കാലും 90 ഡിഗ്രി വീതം തിരിച്ചു വെക്കാമെങ്കി സെന്‍സെക്സിന്റെ ചെറിയോരു മൊന 180 ഡിഗ്രി മേലോട്ടു തിരിച്ചു വെക്കാനാണോ പാട്?! ആ..അപ്പൊ അതന്നെ..പ്രാര്‍ത്ഥിക്ക്യാ...മുട്ടിപ്പായി പ്രാര്‍ത്ഥിക്ക്യാ...
കാലു തിരിഞ്ഞൂന്നുള്ളത് അദ്ഭുത പ്രവര്‍ത്യാ അല്ലാതെ തട്ടിപ്പൊന്നും അല്ലാന്ന് സുഗ്രിക്കു നൂറ് ശതമാനം ഒറപ്പാ. അതോണ്ടല്ലെ നമ്മടെ നാട്ടിലെ ചാനല്വോളായ ചാനല്വോളെല്ലാം ഇതു കൊട്ടി ഘോഷിച്ച് നടക്കണത്. വിശ്വാസ്യോള്‍ക്ക് ഒരു നിമിഷം പൊലും നഷ്ടപ്പെടാതിരിക്കാന്‍ ലൈവായിട്ടായിരുന്നു പ്രദര്‍ശനം!! ഒരു മിനുട്ടെങ്ങാനും കാണാതെ പോയാ അതിന്റെ പുണ്യം നഷ്ടപ്പെട്ടാലോ. എന്തൊരു ശുഷ്കാന്തി..

പിന്നെ, ഇന്ത്യേലെ വിശ്വാസ വിപണീടെ മൂല്യം എത്രേണ്ടെന്ന് കൃത്യമായി തിട്ടപ്പെടുത്തീട്ടൊന്ന്വല്ലാ ഈ വാഴ്ത്തല്വോളും വാഴ്ത്തപ്പെടല്വോളുമൊക്ക് നടക്കണേന്ന് സുഗ്രിക്ക് അസ്സലായിട്ടറിയാം. എല്ലാം അവിടുത്തേക്ക് വേണ്ടി....അത്രേ ഉള്ളൂ..
ഇനീപ്പൊ ഈ വിപണി ഒന്ന് തൊറന്നെടുക്കാംന്ന് വെച്ചാലോ, മറ്റൊര് കെടന്ന് ബഹളോണ്ടാക്കണുന്നേ. ഇന്ത്യേലെ മൊത്തം വിശ്വാസ വിപണീന്റേം നിധി കാക്കും ഭൂതങ്ങളായ ചെല ദള്ളുകാരും പരിഷത്തുകാര്വൊക്കെ ണ്ടല്ലോ, അവറ്റോള്. എന്തൊരു തോന്ന്യാസങ്ങളാ അവറ്റോള് കാണിക്കണെ? നിരോധിക്കണം, എല്ലാറ്റിനേം നിരോധിക്കണം..പണ്ട് സ്വന്തം കൂട്ടത്തിലെ അരു കുഞ്ഞാടിനെ സ്വന്തം കൂട്ടത്തില്‍ തന്നേള്ള വേറെ ചെല കുഞ്ഞാട്വോള് അശുദ്ധാക്കി കെണറ്റിലെറിഞ്ഞ് കൊന്നപ്പൊ അതിന്റെ പൊല്ലാപ്പൊന്ന് ഒതുക്കിക്കിട്ടാന്‍ പ്രയോഗിച്ച സമ്മര്‍ദ്ദത്തിന്റെ പത്തിലൊന്നു പ്രയോഗിച്ചാ മതി, ഇവറ്റോളെയൊക്കെ പുഷ്പം പോലെ നിരോധിച്ചെടുക്കാം.

അതോണ്ട് സുഗ്രിക്ക് ഒരു കാര്യം ഒറപ്പാ...ഇവരു വിചാരിച്ചാ എന്തേലും നടക്കും. സെന്‍സെക്സ് മോളിലോട്ട് കേറും. നോക്കിക്കോ..

5 comments:

The Kid said...

കച്ചോടക്കാര് കച്ചോടം നടത്ത്ണത് കാശ്ണ്ടാക്കാനാണ്‌, നാട്ടാരെ നന്നാക്കാനല്ലാന്ന്‍ ഏത് സുഗ്രിക്കും അറിയണ കാര്യാണ്‌.

sojan p r said...

"നീതിമാന്‍ ആരുമില്ല ഒരുത്തന്‍ പോലും.എല്ലാവരും പിന്‍വാങ്ങി ഒരുപോലെ കൊള്ളരുതതവരയിരിക്കുന്നു":...ബൈബിള്‍ .ഇതൊന്നും ഇവന്‍മാര്‍ വയിച്ചിട്ടിലെ?
...എല്ലാവര്ക്കും തിമിരം നമ്മള്‍ക്കെല്ലാവര്‍ക്കും തിമിരം ....

Althu said...

They were saying there is an 'invincible hand' in Capital markets. Just realised it's the US Govt.'s hand. :-)

They are pumping in billions to bail out worst managed MNC's and wants us to stop giving subsidies for fertilizers which will help some poor farmers.

Nice time we are living in boss.

The Kid said...

Hi Althaf,
have you heard the old Malayalam song
"അന്നത്തിനും പഞ്ഞമില്ല, സ്വര്‍ണത്തിനും പഞ്ഞമില്ല
മന്നിതില്‍ കരുണക്കാണ് പഞ്ഞം....."
The world has enough resources for everyone to happily live in. But the greed never ends and so does the miseries of the have-nots.

Althu said...

thats right kid. And don't have much expectations from the you tube generation, who gonna take up things tomorrow..

There is no abstracts now,the real thing is abstract.

'Chengara bhoomi samaravum V.S inte mounavum oru post pratheekshikkunnu'

Sasneham- Althaf.